ترتيب قطع الديكور و اكسسوارات غرفة المعيشة
خطوتنا الاولى علشان ننفذ ديكورات غرفة المعيشه عباره عن سلسلة مقالات اولها كان " ديكورات غرفة المعيشه " و اللى اتكلمنا فيه عن ازاى نرتب اثاث غرفة المعيشه بالطريقه الصح ، سواء كان من حيث " اختيار حجم الاثاث و تحديد مكانه – السجاد – ترابيزة القهوة – الترابيزات الجانبيه " بالشكل اللى يحقق الجانبين الجمالى و الوظيفى .
خطوتنا التانيه هى ترتيب قطع الديكور و الاكسسوارات فى غرفة المعيشه بشكل انسيابى و متوزان يتناسب مع اختيارك لـ ستايل ديكورات الشقة " كلاسيك ، نيو كلاسيك ، أو مودرن ... " .
و علشان تحقق ده بسهوله فيه شويه نصائح حتساعدك فى ترتيب اكسسورارت غرفة المعيشة :
- صور و تابلوهات
- أفضل الاماكن لتعليق " تابلوه ، لوحة فنية ، برواز ، أو صورة " فوق الكنبة ، مع مراعاة ان يكون عرض الصورة ثلثى عرض الكنبة .
- اما إذا كنت تفضل استخدام أكتر من قطعة فنية صغيره تأكد ان عرضهم مجتمعين يساوى ثلثى عرض الكنبة ، و أن المسافة بين كل صوره و اخرى حوالي " 5 : 7.5 سم " على الاقل .
- التأكد ان المسافه بين أعلى ظهر الكنبة و اسفل الصورة حوالى " 20 : 25 سم " .
- التأكد عند تعليق التابلوه أو الصورة ان تكون فى مستوى العين تقريبا على ارتفاع " 160: 175 سم " ، حتى لا نضطر الى رفع العين لأعلى حتى نرى الصورة .
- أباليك
- تحديد أماكن " الأباليك " تتشابه مع تعليق " الصور و التابلوهات " . تعليق الأباليك يتوقف على أبعاد الحائط ، و لكن انتبه من التعليق على مسافه عاليه ، أنسب ارتفاع فوق مستوى العين بقليل ، على ارتفاع حوالى " 165 : 180 سم " من الأرض .
- إذا كنت تريد تعليق الأباليك على جانبى صورة أو مرآة ، اترك مسافه كافيه بين كل أبليك و الصورة حوالى " 5 : 7.5 سم " على الاقل .
- الستائر
- ضرورى نهتم بـ طول الستائر ، من الخطاء استخدام ستائر قصيره او استخدام ستائر طويله عن الارض ، مهم ان يكون طول الستائر يلامس الارض .
- عند تعليق الستائر ، يفضل ترك مسافة فوق الشباك حوالى " 5 سم " على الاقل ، و مسافه " 15 : 40 سم " على كل جانب من جانبى الشباك أو البلكونة .
- التلفزيون
- عند التفكير فى مكان التلفزيون يفضل مراعاة ان يكون ارتفاع التلفزيون فى مستوى عينيك و انت جالس على الكنبة أو الكرسي ، اما اذا فكرت ان تتبع الموضه الحديثه و تعلق التلفزيون على الحائط تأكد من الارتفاع المناسب و لا ترفعه عالياً حتى لا تجهد عنقك اثناء المشاهده .
- لتحديد أفضل مسافه بين مكان التلفزيون و بين الكنبة و الكراسي ، حاول ان تكون المسافه حوالى ضعف أو ثلاثه أضعاف عرض شاشة التلفزيون .
No comments:
Post a Comment